రైతును రాజుగా చూడాలన్నదే ప్రభుత్వ లక్ష్యం…

రైతును రాజుగా చూడాలన్నదే ప్రభుత్వ లక్ష్యం…

రాష్ట్ర పంచాయితీ రాజ్ శాఖ మంత్రి సీతక్క..

కామారెడ్డి జిల్లా ప్రతినిధి; నవంబర్ 20 (అఖండ భూమి న్యూస్);

కామారెడ్డి జిల్లా భిక్కనూరు మండలంలో మొత్తం ₹92.80 లక్షల వ్యయంతో చేపట్టిన పలు అభివృద్ధి పనులకు గురువారం మంత్రి సీతక్క శంకుస్థాపన చేశారు. బిక్నూర్ మండలం మార్కెట్ యార్డ్‌లో వ్యవసాయ మార్కెటింగ్ కమిటీ కాంప్లెక్స్ నిర్మాణ కార్యక్రమాలకు మంత్రి సీతక్క తోపాటు ప్రభుత్వ సలహాదారులు మహ్మద్ షబ్బీర్ అలీ, ఎంపీ సురేష్ షట్కర్ ,జిల్లా కలెక్టర్ ఆశిష్ సాంగ్వాన్, మార్కెట్ కమిటీ చైర్మన్ రాజు, గ్రంథాలయ చైర్మన్ చంద్రకాంత్ రెడ్డి, వివిధ ప్రజా ప్రతినిధులతో కలసి అభివృద్ధి పనులకు శంకుస్థాపన చేశారు.

ఈ సందర్భంగా మంత్రి సీతక్క మాట్లాడుతూ.

మార్కెటింగ్ కమిటీ కాంప్లెక్స్‌లో 11 షాపులు, మీటింగ్ హాల్, టాయిలెట్స్ నిర్మాణానికి శంకుస్థాపన చేసినట్లు తెలిపారు.

రైతు సంక్షేమమే ప్రభుత్వ ప్రాధాన్యమని, రైతులు పండించే ప్రతీ పంటను ప్రభుత్వం కొనుగోలు చేస్తూ వారికి అండగా నిలుస్తుందని ఆన్నారు.

వ్యవసాయం బలపడితేనే గ్రామీణ ఆర్థిక వ్యవస్థ బలపడుతుందని, అందుకే మార్కెట్ యార్డుల అభివృద్ధి పై ప్రభుత్వం ప్రత్యేక దృష్టి సారించిందన్నారు.