వరద బాధితుల కుటుంబాలను పరామర్శించిన ఎమ్మెల్సీ విజయశాంతి….

వరద బాధితుల కుటుంబాలను పరామర్శిం

చిన ఎమ్మెల్సీ విజయశాంతి….

కామారెడ్డి జిల్లా ప్రతినిధి; ఆగస్టు 31 (అఖండ భూమి న్యూస్)

కామారెడ్డి జిల్లాలో ఇటీవల కురిసిన భారీ వర్షాలకు కామారెడ్డి జిల్లా భారీగా నష్టపోయిందని తెలుసుకొని ఎమ్మెల్సీ విజయశాంతి తో పాటు జిల్లా కలెక్టర్ ఆశిష్ లు ఆదివారం పరిశీలించారు. కామారెడ్డి జిల్లా కేంద్రంలో జి ఆర్ కాలనీలోని ముంపుకు గురైన బాధిత కుటుంబాలను పరామర్శించారు. బాధితులను నివేదికల ఆధారంగా ఆదుకుంటామని ఎమ్మెల్సీ విజయశాంతి కుటుంబాలకు భరోసా ఇచ్చారు. కామారెడ్డి జిల్లాలో పంట నష్టాలతో పాటు రోడ్లు, ఇతర అన్ని నష్టాలపై నివేదికలు ప్రభుత్వానికి అందించిందని దీనిపై పూర్తిస్థాయిలో ప్రజలకు మేలు జరిగే విధంగా రాష్ట్ర ప్రభుత్వం చర్యలు చేపడుతుందని అన్నారు. అధికారులు బాధితులకు ఎలాంటి ఇబ్బందులు లేకుండా చూసుకోవాలని ఆమె కలెక్టర్ ను కోరారు. ఈ కార్యక్రమంలో అధికారులు, కామారెడ్డి ప్రజలు పాల్గొన్నారు.