విస్తరణ పనులు మరింత వేగవంతం చేయండి

విస్తరణ పనులు మరింత వేగవంతం చేయండి

నగరపాలక సంస్థ కమిషనర్ పి.విశ్వనాథ్

కర్నూలు నగరపాలక (అఖండ భూమి న్యూస్) :

నగరంలోని కిడ్స్ వరల్డ్ నుండి బుధవారపేట బ్రిడ్జి వరకు రహదారి విస్తరణ పనులు మరింత వేగవంతం చేయాలని నగరపాలక సంస్థ కమిషనర్ పి.విశ్వనాథ్ సూచించారు. మంగళవారం నగరపాలక కార్యాలయంలో పట్టణ ప్రణాళిక విభాగం, ఆర్&బి అధికారులతో సమావేశం నిర్వహించారు.

ఈ సందర్భంగా కమిషనర్ మాట్లాడుతూ.. రహదారి విస్తరణలో ప్రభావితమవుతున్న 180 ఆస్తుల్లో ఇప్పటివరకు 50 మంది యాజమానులు ముందుకొచ్చి అవసరమైన పత్రాలు సమర్పించారని తెలిపారు. మిగిలిన యాజమానులు త్వరగా సహకరిస్తే విస్తరణ పనులను త్వరితగతిన పూర్తి చేసే అవకాశం ఉందన్నారు. ప్రభావితులకు టిడిఆర్ బాండ్ల జారీ, భవన నష్టపరిహారం అందజేతను త్వరితగతిన పూర్తి చేస్తామని కమిషనర్ చెప్పారు.

కార్యక్రమంలో ఆర్&బి ఎంఈ సునీల్, డిఈ ఫనిరాం, డిసిపి వెంకటరమణ, పట్టణ ప్రణాళిక అధికారి అంజాద్ బాష, కార్పొరేటర్లు పరమేష్, క్రాంతి కుమార్, తదితరులు పాల్గొన్నారు.