కొత్త తరహాలో మహారాష్ట్రకు ఇసుక అక్రమ రవాణా ప్రయత్నం –భగ్నం చేసిన మద్నూర్ పోలీసులు…
టిప్పర్ల ద్వారా ఇసుక అక్రమ రవాణాకు ఆటకం కలగకుండా కార్లతో పైలటింగ్..
*• ఇసుక అక్రమ రవాణా చేస్తున్న 2 టిప్పర్స్ & 2 పైలటింగ్ కార్లు స్వాధీనం..
6 గురిపై కేసు నమోదు..
కామారెడ్డి జిల్లా ప్రతినిధి; నవంబర్ 22 (అఖండ భూమి న్యూస్);
కొత్త పద్ధతిలో పైలట్ కార్ల సహాయంతో ముందుగా ఉంటూ పోలీస్ చెక్పోస్టులను దాటించి మహారాష్ట్రకు ఇసుకను టిప్పర్ ల ద్వారా అక్రమంగా తరలించడానికి ప్రయత్నించారు. పక్కా సమాచారంతో ముందస్తు నిఘా ఏర్పాటు చేసిన మద్నూర్ పోలీసులు, నిన్న రాత్రి ప్రత్యేక తనిఖీలలో రెండు టిప్పర్లు , వాటి మార్గాన్ని క్లియర్ చేయడానికి వెళ్తున్న రెండు పైలట్ కార్లను ఆపి తనిఖీ చేశారు. తనిఖీలలో టిప్పర్లలో ఇసుక ఉన్నట్లు ధృవీకరించబడింది. పరిశీలనలో, ఈ ఇసుక పోతంగల్ గ్రామం, నిజామాబాద్ ప్రాంతం నుండి ఎలాంటి అనుమతులు లేకుండా అక్రమంగా రవాణా చేస్తున్నట్లు తెలిపారు, ప్రజాధనం దూర్వినియోగం చేస్తున్నట్లు తెలిపారు.
ఈ ఆపరేషన్లో 2 టిప్పర్లు, 2 కార్లు స్వాధీనం చేసుకోబడ్డాయి. టిప్పర్ డ్రైవర్లు ఇద్దరు, పైలట్ కార్లలో ఉన్న నలుగురు—మొత్తం ఆరుగురు వ్యక్తులను పోలీసులు అదుపులోకి తీసుకున్నారు. మద్నూర్ పోలీస్ స్టేషన్లో కేసు నమోదు చేసి, విచారణ ప్రారంభించబడింది.
*నిందితుల వివరాలు*
1. కుంబర్ ఉమాకాంత్, S/o రాజ్కుమార్, వయస్సు: 33 సంవత్సరాలు, డిగ్గి గ్రామం, ఔరాద్ మండలం, బీదర్ జిల్లా, కర్ణాటక రాష్ట్రానికి చెందినవాడు; వాహనం నం. TS-12-యు ఈ-4009
2. మస్కాలే శివాజీ, S/o సుందర్రాజ్, వయస్సు: 35 సంవత్సరాలు, ఓల్డ్ గంజ్, ఔరాద్ గ్రామం & మండలం, బీదర్ జిల్లా, కర్ణాటక రాష్ట్రానికి చెందినవాడు; వాహనం నం. TS-07-టి -6804 డ్రైవర్.
పై ఇద్దరూ టిప్పర్ల డ్రైవర్లు.
3. బుట్టే రాజ్కుమార్, S/o బసవరాజ్, వయస్సు: 41 సంవత్సరాలు, నివాసం: బుట్టే గల్లి, ఔరాద్, బీదర్ జిల్లా, కర్ణాటక రాష్ట్రం.
4. అలపాటి రవి, S/o కృష్ణ, వయస్సు: 37 సంవత్సరాలు, వృత్తి: విజయ లక్ష్మి ట్రాన్స్పోర్ట్, రాయచూర్; నివాసం: బిర్లా దేవాలయ కాలనీ, హైదరాబాదు.
5. పవర్ చందర్, S/o భీమ్రావు, వయస్సు: 35 సంవత్సరాలు, నివాసం: మహాదోంగావ్ గ్రామం, ఔరాద్ మండలం, బీదర్ జిల్లా, కర్ణాటక రాష్ట్రం.
6. అప్పాజీ, S/o సూర్యరావు, వయస్సు: 40 సంవత్సరాలు, నివాసం: బిర్లా దేవాలయ కాలనీ, హైదరాబాదు.
పై నలుగురు వ్యక్తులు అక్రమ రవాణా నిర్వహించు పైలటింగ్ కార్ల యజమానులు ఉన్నారని అన్నారు.
