భవన నిర్మాణ కార్మిక సంఘం జిల్లా నూతన కమిటీ ఎన్నిక…

*భవన నిర్మాణ కార్మిక సంఘం జిల్లా నూతన కమిటీ ఎన్నిక…

*ముఖ్యఅతిథిగా సిఐటియు జిల్లా అధ్యక్షుడు చంద్రశేఖర్..

కామారెడ్డి జిల్లా ప్రతినిధి; నవంబర్ 26 (అఖండ భూమి న్యూస్);

కామారెడ్డి జిల్లా భవన నిర్మాణ కార్మిక సంఘం (సిఐటియు) జిల్లా నాల్గవ మహాసభలు జిల్లా కేంద్రంలోని సిఐటియు
జిల్లా కార్యాలయంలో బుధవారం నిర్వహించారు. ఈ మహాసభలో కామారెడ్డి జిల్లా సిఐటియు జిల్లా అధ్యక్షుడు చంద్రశేఖర్ మాట్లాడుతూ. భవన నిర్మాణ కార్మికుల వెల్ఫేర్ బోర్డును కార్మిక సంఘాలతో ఏర్పాటు చేయాలని, అడ్వైజర్ కమిటీ ద్వారా నిధులు మంజూరు చేయాలని, సిఎస్సి హెల్త్ టెస్టులను రద్దు చేయాలని, వెల్ఫేర్ బోర్డు స్కీం లను ప్రైవేటు ఇన్సూరెన్స్ కంపెనీలకు ఇచ్చిన అనుమతిని ఉపసంహరించుకోవాలని అన్నారు.
సహజ మరణానికి ఐదు లక్షలు ఇవ్వాలని 2000 కానీ వేలాది వెల్ఫేర్ కార్డులను వెంటనే రెన్యువల్ చేయాలని పెండింగ్ క్లెయిమ్స్ నిధులు విడుదల చేయాలని డిమాండ్ చేశారు.
కేంద్ర ప్రభుత్వం కార్మిక వ్యతిరేక నల్ల చట్టాలను నాలుగు కోడ్ రూపంలో తీసుకువచ్చి దేశవ్యాప్తంగా ఉన్న కార్మికుల హక్కులను హరించి వేసిందని అన్నారు. మన హక్కులను కాపాడుకోవాలని సమస్యలను పరిష్కరించుకోవాలన్న పోరాటమే ఏకైక మార్గమని తెలిపారు. మహా సభలో ఎన్నికైన నూతన కమిటీకి శుభాకాంక్షలు తెలిపారు. రాబోయే మూడు సంవత్సరాలు ఈ కమిటీ పని చేస్తుందని తెలిపారు. జిల్లాలో అన్ని పోరాట కార్యక్రమాలకు సిఐటియు జిల్లా కమిటీ సంపూర్ణ మద్దతు ఉంటుందని అన్నారు.
* *నూతన జిల్లా కమిటీ*
జిల్లా అధ్యక్షురాలు దశరథ్, ప్రధాన కార్యదర్శిగా ముదాం అరుణ్ కుమార్ కోశాధికారిగా నాగరాజ్ ఉపాధ్యక్షులుగా సాయిబాబా, ఈశ్వర్ సహాయ కార్యదర్శులుగా స్వామి శ్రీనివాస్ వీరితోపాటు 11 మందిని జిల్లా కమిటీ సభ్యులుగా ఎన్నుకున్నా రు.