దోమకొండ సర్పంచ్ అభ్యర్థిగా నామినేషన్ దాఖలు చేసిన పున్న లక్ష్మణ్…

దోమకొండ సర్పంచ్ అభ్యర్థిగా నామినేషన్ దాఖలు చేసిన పున్న లక్ష్మణ్…

కామారెడ్డి జిల్లా ప్రతినిధి; నవంబర్ 27 (అఖండ భూమి న్యూస్);

కామారెడ్డి జిల్లా దోమకొండ సర్పంచ్ అభ్యర్థిగా గురువారం పున్న లక్ష్మణ్ (ముదిరాజ్) నామినేషన్ దాఖలు చేశారు.పున్న లక్ష్మణ్ స్థానిక పెద్దమ్మ ఆలయంలో అమ్మవారి ఆశీర్వాదం తీసుకొని తన సామాజిక వర్గంతో పాటు గ్రామస్తుల మద్దతుతో పెద్ద సంఖ్యలో గ్రామపంచాయతీ సమీపం కు చేరుకొని నామినేషన్ దాఖలు చేశారు. మొదటగా ఒక నామినేషన్ దాఖలు చేయగా శుక్రవారం రోజు మరో రెండు సెట్లు నామినేషన్లు దాఖలు చేయనున్నట్లు తెలిపారు. దోమకొండ గ్రామంలోని అన్ని వర్గాల ప్రజల మద్దతుతో సర్పంచ్ అభ్యర్థిగా ఎన్నికల్లో పోటీ చేయనున్నట్లు తెలిపారు. జిల్లాలోని అతిపెద్ద గ్రామపంచాయతీ అయిన దోమకొండ గ్రామపంచాయతీ సర్పంచ్ గా ఎన్నికై దోమకొండను మోడల్ గ్రామపంచాయతీగా మార్చి అభివృద్ధిలో ముందు ఉంచడమే లక్ష్యంగా సర్పంచ్ ఎన్నికల్లో భారీ లోకి దిగుతున్నట్లు తెలిపారు. ప్రతి ఒక్కరు సహకారం అందిస్తున్న వారికి ధన్యవాదాలు తెలిపారు. దోమకొండ జిల్లాలోనే మోడల్ గ్రామపంచాయతీగా ఏర్పాటు చేయడమే లక్ష్యంగా పనిచేస్తానని తన సందేశాన్ని ప్రజలకు అందించారు. ఈ కార్యక్రమంలో తన మద్దతు దారులతోపాటు పెద్ద సంఖ్యలో గ్రామస్తులు పాల్గొన్నారు.