దోమకొండ సర్పంచ్ అభ్యర్థిగా నామినేషన్ దాఖలు చేసిన మర్రి శేఖర్…

దోమకొండ సర్పంచ్ అభ్యర్థిగా నామినేషన్ దాఖలు చేసిన మర్రి శేఖర్…

కామారెడ్డి జిల్లా ప్రతినిధి; నవంబర్ 28 (అఖండ భూమి న్యూస్);

కామారెడ్డి జిల్లా దోమకొండ సర్పంచ్ అభ్యర్థిగా శుక్రవారం మర్రి శేఖర్ నామినేషన్ దాఖలు చేశారు. ఆయన స్థానిక చాముండేశ్వరి ఆలయంలో ప్రత్యేక పూజలు నిర్వహించి వేదం బ్రాహ్మణుల పూజలతో నామినేషన్ పత్రాలను తీసుకొని తన మద్దతు దారులతో దోమకొండ గ్రామపంచాయతీకి పెద్ద సంఖ్యలో తన మద్దతుదారుల కూడగట్టుకొని తరలి వెళ్లారు. స్థానిక గ్రామపంచాయతీలో ఎన్నికల అధికారికి మూడు నామినేషన్ పత్రాలను అందించారు. అనంతరం తన మద్దతుదారులతో కలిసి ఈ సందర్భంగా మాట్లాడారు. దోమకొండ గ్రామ ప్రజలు ఒకసారి నాకు అవకాశం ఇవ్వాలని సర్పంచ్ గా విజయం సాధిస్తే గ్రామ అభివృద్ధి తో పాటు గ్రామస్తుల కు అందుబాటులో ఉండి వారి యోగక్షేమాలను తీర్చడంలో ముందు ఉంటానని ఆయన అన్నారు. గ్రామస్తులకు, గ్రామ అభివృద్ధి కోసం సహకరించేందుకు ముందుకు వచ్చిన నాకు విజయం సాధించే విధంగా సహకరించాలని కోరారు. ఈ కార్యక్రమంలో మద్దతుదారులు, గ్రామస్తులు పాల్గొన్నారు.