దోమకొండ సర్పంచిగా ఒక్కసారి అవకాశం ఇవ్వండి మోడల్ గ్రామపంచాయతీ తీర్చిదిద్దుతా..!

దోమకొండ సర్పంచిగా ఒక్కసారి అవకాశం ఇవ్వండి మోడల్ గ్రామపంచాయతీ తీర్చిదిద్దుతా..!

కామారెడ్డి జిల్లా ప్రతినిధి; నవంబర్ 29 (అఖండ భూమి న్యూస్);

కామారెడ్డి జిల్లాలోని అతి పెద్దదైన అత్యంత జనాభా కలిగిన దోమకొండ మేజర్ గ్రామపంచాయతీని జిల్లాలోనే మోడల్ గ్రామంగా తీర్చిదిద్దుతానని దోమకొండ సర్పంచ్ అభ్యర్థి పున్న లక్ష్మణ్ అన్నారు. శనివారం దోమకొండ సర్పంచ్ గా మరో రెండు సెట్లు నామినేషన్లు దాఖలు చేసి ఈ సందర్భంగా మాట్లాడారు. ఒక్కసారి దోమకొండ సర్పంచిగా అవకాశమిస్తే జిల్లాలోని ఆదర్శవంతమైన గ్రామంగా దోమకొండను తీర్చిదిద్దడానికి అవకాశం ఇవ్వాలని దోమకొండ ప్రజలను కోరారు. దోమకొండలో సర్పంచ్ అభ్యర్థులుగా గతంలో చాలామందికి అవకాశం ఇచ్చారు. ప్రస్తుతం ఒక్కసారి నాకు అవకాశం ఇస్తే గ్రామాన్ని మరింత అభివృద్ధి దిశగా తీసుకెళ్లి పుట్టిన గ్రామానికి తీర్చుకుంటారని అన్నారు. దోమకొండ గ్రామానికి తన సేవలు అందించాలని ఉద్దేశంతో అన్ని సామాజిక వర్గాల ప్రజల ఆమోదం మేరకు దోమకొండ సర్పంచి పోటీలో నిలిచినట్లు తెలిపారు. ప్రజల సహకారం లేనిది గెలుపు సులభం కాదని, అందరి అవకాశం ఇస్తేనే విజయం సాధిస్తామని అన్నారు. గ్రామానికి తన సేవలు అందించడానికి సిద్ధంగా ఉన్నానని అన్నారు. అన్ని వర్గాల ప్రజల అభ్యున్నతి తో పాటు గ్రామ అభివృద్ధి ధ్యేయంగా పాలన కొనసాగాలని ఉద్దేశంతోనే ఎన్నికల్లో ముందుకు వచ్చినట్లు తెలిపారు. ప్రజలకు ఇచ్చిన హామీలను నెరవేర్చడానికి ప్రజలు అత్యధికంగా తనకు ఓటు వేసి విజయం సాధించే విధంగా కృషి చేయాలని కోరారు. తనకు సహకరిస్తున్న గ్రామస్తులకు కృతజ్ఞతలు తెలిపారు. ఈ కార్యక్రమంలో తన మద్దతు ధరలతో పాటు గ్రామస్తులు పాల్గొన్నారు.