దోమకొండలో అంబరాన్ని అంటిన ఊర పండగ సంబరాలు…

దోమకొండలో అంబరాన్ని అంటిన ఊర పండగ సంబరాలు…

కామారెడ్డి జిల్లా ప్రతినిధి; ఫిబ్రవరి 2 (అఖండ భూమి న్యూస్);

కామారెడ్డి జిల్లా దోమకొండ మండల కేంద్రంలో గత నెల 30న ప్రారంభమైన దోమకొండ ఊర పండగ సంబరాలు సోమవారంతో మూడో రోజుకు చేరుకుంది. గతంలో ఎప్పుడు లేని విధంగా ఊర పండగను భక్తిశ్రద్ధలతో ఐద రోజుల పండగ ను ఘనంగా జరుపుకుంటున్నారు. ఈనెల 30న ప్రారంభమైన ఉత్సవాలు ,సార్గమ్మ విగ్రహ ప్రతిష్ట, గ్రామంలో ని ఊరడమ్మ వద్ద డప్పు వాయిద్యాలతో, శివసత్తుల నాట్యం నృత్యములతో, మహిళల బోనాలతో, పోతరాజుల విన్యాసాలతో, బైండ్ల వారి విన్యాసాలతో, రంగసాని తో రంగమెక్కించి భవిష్యవాణి వినిపించడం అందర్నీ ఆకట్టుకున్నాయి. గ్రామంలోని భక్తులే కాకుండా వేలాది మంది భక్తులు ఇతర గ్రామాల నుండి వచ్చి అమ్మవారిని దర్శించుకున్నారు. కట్ట మైసమ్మకు మంగళవారం పండగ చేయడం జరుగుతుందని అన్నారు. ఈ ఐదు రోజుల పండగను గ్రామ సర్పంచ్ ఐరేని నరసయ్య పర్యవేక్షణలో కుల సంఘాల ఆధ్వర్యంలో అంగరంగ వైభవంగా నిర్వహిస్తున్నారు.