ఘనంగా తెలంగాణ రాష్ట్ర మహిళా కమిషన్ సభ్యుల సన్మాన సభ…!

ఘనంగా తెలంగాణ రాష్ట్ర మహిళా కమిషన్ సభ్యుల సన్మాన సభ…!

•ముఖ్య అతిథులుగా హాజరైన మంత్రి అడ్లూరి లక్ష్మణ్ కుమార్, డీసీసీ అధ్యక్షులు పున్న కైలాష్ నేత

•ఎమ్మెల్యే మందుల సామేలు అధ్యక్షతన మోత్కూరులో అట్టహాసంగా జరిగిన కార్యక్రమం

ప్రతినిధి కురుపాటి గణేష్

(అఖండ భూమి)మే 30

నల్లగొండ జిల్లా..

తెలంగాణ రాష్ట్ర మహిళా కమిషన్ సభ్యులుగా నూతనంగా నియమితులైన కాసోజు శంకరమ్మ, చిట్యాల శ్వేతలను తుంగతుర్తి నియోజకవర్గ కేంద్ర పరిధిలోని మోత్కూరు మున్సిపాలిటీలో ఘనంగా సన్మానించారు..యాదాద్రి భువనగిరి జిల్లా మోత్కూరు పట్టణంలోని ‘మధుర మీనాక్షి ఫంక్షన్ హాల్’లో తుంగతుర్తి నియోజకవర్గ శాసనసభ్యులు (ఎమ్మెల్యే) మందుల సామేలు అధ్యక్షతన ఈ సన్మాన మహోత్సవం అత్యంత వైభవంగా జరిగింది..ఈ కార్యక్రమానికి ముఖ్య అతిథిగా రాష్ట్ర ఎస్సీ, ఎస్టీ, మైనారిటీ, దివ్యాంగుల సంక్షేమ శాఖల మంత్రివర్యులు, ఉమ్మడి నల్లగొండ జిల్లా ఇంచార్జ్ మంత్రి అడ్లూరి లక్ష్మణ్ కుమార్ హాజరయ్యారు..వారితో పాటు నల్లగొండ జిల్లా కాంగ్రెస్ కమిటీ (డీసీసీ) అధ్యక్షులు పున్న కైలాష్ నేత ప్రత్యేక అతిథిగా విచ్చేశారు..ఈ సందర్భంగా సన్మాన సభలో మంత్రి అడ్లూరి లక్ష్మణ్ కుమార్ మాట్లాడుతూ, రాష్ట్రంలో మహిళల రక్షణ, సంక్షేమం, మరియు హక్కుల సాధన కోసం తెలంగాణ ప్రభుత్వం ప్రత్యేక శ్రద్ధ వహిస్తోందని తెలిపారు..మహిళా కమిషన్ సభ్యులుగా నియమితులైన కాసోజు శంకరమ్మ, చిట్యాల శ్వేతలు తదితరులు మహిళల సమస్యల పరిష్కారానికి నిరంతరం కృషి చేయాలని ఆకాంక్షించారు..సభకు అధ్యక్షత వహించిన తుంగతుర్తి ఎమ్మెల్యే మందుల సామేలు మాట్లాడుతూ, నూతన సభ్యుల నియామకం పట్ల సంతోషం వ్యక్తం చేశారు..తుంగతుర్తి నియోజకవర్గ పరిధిలో మహిళా సాధికారతకు, వారి పురోభివృద్ధికి తమ వంతు పూర్తి సహకారం ఉంటుందని, నియోజకవర్గ వ్యాప్తంగా ఉన్న మహిళల సమస్యలను కమిషన్ దృష్టికి తీసుకెళ్లి పరిష్కరించేలా చొరవ చూపుతామని పేర్కొన్నారు..పున్న కైలాష్ నేత

డీసీసీ అధ్యక్షులు పున్న కైలాష్ నేత మాట్లాడుతూ, నూతనంగా బాధ్యతలు చేపట్టిన సభ్యులకు శుభాకాంక్షలు తెలియజేశారు. పార్టీ బలోపేతానికి, ప్రభుత్వ సంక్షేమ పథకాలను ప్రజల్లోకి తీసుకెళ్లడానికి నాయకులంతా కలిసికట్టుగా పనిచేయాలని పిలుపునిచ్చారు..కార్యక్రమం అనంతరం మంత్రి అడ్లూరి లక్ష్మణ్ కుమార్, ఎమ్మెల్యే మందుల సామేలు, డీసీసీ అధ్యక్షులు పున్న కైలాష్ నేత మరియు ఇతర ముఖ్య నాయకులు కలిసి మహిళా కమిషన్ నూతన సభ్యులను శాలువాలు, పూలమాలలతో ఘనంగా సత్కరించి, శుభాకాంక్షలు అందజేశారు..ఈ ప్రతిష్టాత్మక సన్మాన కార్యక్రమంలో నియోజకవర్గ, జిల్లా స్థాయికి చెందిన పలువురు ముఖ్య నాయకులు, ప్రజాప్రతినిధులు, స్థానిక కౌన్సిలర్లు, కాంగ్రెస్ పార్టీ శ్రేణులు, కార్యకర్తలు, మహిళా సంఘాల ప్రతినిధులు, అభిమానులు మరియు శ్రేయోభిలాషులు భారీ సంఖ్యలో పాల్గొని కార్యక్రమాన్ని విజయవంతం చేశారు…