కోల్కతాలో ఘనంగా అంతర్జాతీయ యోగా దినోత్సవం…
35 వేల మందితో యోగా చేసిన ప్రధాని మోదీ..
కామారెడ్డి జిల్లా ప్రతినిధి; జూన్ 21 (అఖండ భూమి న్యూస్)
అంతర్జాతీయ యోగా దినోత్సవం సందర్భంగా పశ్చిమ బెంగాల్ రాజధాని (కలకత్తా)లో భారీ ఎత్తున నిర్వహించిన యోగా కార్యక్రమంలో ప్రధాని నరేంద్ర మోడీ పాల్గొన్నారు. సుమారు *35 వేల* మందితో కలిసి యోగా చేసి కొత్త ఉత్సాహాన్ని నింపారు.
ఈ సందర్భంగా ప్రధాని మాట్లాడుతూ , యోగా ప్రపంచవ్యాప్తంగా కోట్లాది మందిని ఒకే వేదికపైకి తీసుకొచ్చిందని అన్నారు. హిమాలయాల నుంచి సముద్ర తీరాల వరకు దేశమంతా యోగా కార్యక్రమాలతో చైతన్యవంతమైందని పేర్కొన్నారు.
యోగా కేవలం శారీరక వ్యాయామం మాత్రమే కాదని, అది మనసు, శరీరం, ఆలోచనల మధ్య సమతుల్యతను కల్పించే జీవన విధానమని మోదీ వివరించారు. ఆధునిక జీవనశైలితో పెరుగుతున్న *మధుమేహం , రక్తపోటు వంటి జీవనశైలి వ్యాధులను నివారించడంలో యోగా కీలక పాత్ర పోషిస్తుందని చెప్పారు.
సంతులిత ఆహారం , సరిపడ నిద్ర, క్రమం తప్పకుండా యోగా సాధన చేయడం ద్వారా అనేక వ్యాధులను దూరం చేసుకోవచ్చని ప్రధాని సూచించారు. ఆరోగ్యవంతమైన సమాజ నిర్మాణానికి యోగా అత్యంత ప్రభావవంతమైన సాధనమని ఆయన అభిప్రాయపడ్డారు.
అంతర్జాతీయ యోగా దినోత్సవ వేడుకల్లో పెద్ద సంఖ్యలో ప్రజలు పాల్గొనడం యోగాపై పెరుగుతున్న అవగాహనకు నిదర్శనమని ప్రధాని మోదీ పేర్కొన్నారు. ఈ కార్యక్రమం దేశవ్యాప్తంగా యోగా పట్ల మరింత ఆసక్తిని పెంచిందని అన్నారు.
