వేపాడలో ఘనంగా క్రిస్మస్ వేడుకలు 

వేపాడలో ఘనంగా క్రిస్మస్ వేడుకలు

ఆర్ సిఎం దేవాలయానికి తరలివచ్చిన క్రైస్తవులు

రెవ.ఫా.బి బాలరాజు ప్రత్యేక ప్రార్థనలు

వేపాడ డిసెంబర్ 24(అఖండ భూమి):- మండల కేంద్రం వేపాడ ఆర్ సిఎం దేవాలయంలో ఆదివారం రాత్రి నుంచి క్రిస్మస్ వేడుకలు ఘనంగా జరిగాయి. క్రైస్తవుల సహాయ మాత దేవాలయంలోవిచారణ కర్తలు రెవ.ఫా.బి జయరాజు సారథ్యంలో ప్రత్యేక ప్రార్థనలు నిర్వహించారు. చర్చిని విద్యుత్ దీపాలతో అలంకరించారు. చర్చిలో 24గంటల పాటు జరగనున్న ప్రార్థనల్లో మండలంలోని వేపాడ, వల్లంపూడి, బల్లంకి, వీలుపర్తి, రాయుడుపేట, డబ్బిరాజుపేట, నీలకంఠరాజపురం, సింగరాయి, పెద గుడిపాల తదితర గ్రామాల నుంచి క్రైస్తవసోదర సోదరీ మణులు అధికసంఖ్యలో పాల్గొని ప్రార్థనలు చేశారు. అలాగే బల్లంకి, బానాది, జాకేరు, సోంపురం, అరిగిపాలెం, వీలుపర్తి, బొద్దాం, దబ్బిరాజుపేట, వావీలపాడు, నల్లబిల్లి తదితర గ్రామాలలో గల చర్చిలో కూడా క్రిస్మస్ వేడుకలు ఘనంగా జరిగాయి. వేపాడ ఆర్సీఎం చర్చిలో విచారణ సంఘం సభ్యులు ప్రత్యేక ప్రార్థనలు నిర్వహించారు.