నర్సీపట్నం రోడ్డు వెంటనే మరమ్మతులు చేపట్టాలి.
యస్ రాయవరం…. అఖండ భూమి న్యూస్ …నవంబర్ 2…..
అడ్డరోడ్డు నుండి నర్సీపట్నం వెళ్ళే ప్రధానమైన రహదారి మరమ్మత్తులు వెంటనే చేపట్టాలని సిపియం జిల్లాకార్యదర్శి యమ్ అప్పలరాజు డిమాండ్ చేశారు. శనివారం ఉదయం అడ్డురోడ్డులో సిపియం సభ్యులతో కలసి ధర్నా నిర్వహించారు. అడ్డరోడ్డు నుండి కోటవురట్ల మండలం అల్లుమియ్యపాలెం జంక్షన్ వరకు పెద్ద పెద్ద గోతులు పడి పోయి ఈ రోడ్డు పై ప్రయాణం నరక ప్రాయంగా మారిపోయిందన్నారు. వాహనదారులు, ప్రయాణికులు పడుతున్న ఇబ్బందులు ప్రభుత్వం గుర్తించి వెంటనే రోడ్డు మరమ్మతులు చేపట్టాలని మరియు రోడ్డు ఇరువైపులా విపరీతమైన తుప్పలు బలిసిపోయి ఉన్న పట్టించుకోలేదు ఆర్ & బి అధికారులు. తుప్పలు తొలగించాలని కోరుతున్నామన్నారు.వెంటనే ప్రభుత్వం స్పందించి రోడ్డు మరమ్మతులు చేయకపోతే నర్సీపట్నంరోడ్డు దిగ్బంధం చేస్తామని తెలిపారు.ఈ కార్యక్రమంలో సిపిఎం జిల్లా కార్యదర్శి వర్గ సభ్యులు ఎం.అప్పలరాజు, మండలం కన్వీనర్ ఎం.సత్యనారాయణ, దుర్గా ప్రసాద్,సిహెచ్.అప్పారావు,బి.నరేంద్ర,జీ.రమణ తదితరులు పాల్గొన్నారు
